COMEZAMOS O PREGUNTÓN!!!!. SEMANA 1

Preguntas para primaria

VII EDICIÓN DE "O PREGUNTÓN" METEOESCOLAS

 Ola amigos e amigas "preguntóns", xa estamos de novo co noso concurso estrela. Pero este ano cunha temática superchula relacionada co Proxecto Meteoescolas, isto quere dicir que as preguntas, adiviñas, enigmas que proporemos estarán ligadas a esta temática.

E falando da temática, aquí vos presento á nosa mascota, un polbiño moi galego que por certo, estamos a poñerlle nome. Para iso queremos contar coa vosa colaboración. Que como o podedes facer?, pois moi sinxelo: na entrada de primaria poderedes encontrar unha urna na que podedes deixar o nome que vos gustaría para a nosa mascota. Tedes de prazo ata o venres 23 de marzo que é o Día Internacional da Metereoloxía. Logo  de entre todos os nomes propostos elixiremos tres e,  a volta de vacacións de Semana Santa,  poderedes votar o que máis vos guste deses tres.

Tamén á volta das vacacións poderedes facer a vosa inscrición no concurso. Ide buscando xa a vosa parella e o nome do voso grupo, xa que a data para inscribirvos remata o 6 de abril e o Preguntón comeza o 9 de abril. De tódolos xeitos aquí vos deixamos as bases do concurso para que lles votedes unha ollada.

Vamos... animádevos a participar!!!!!. Xa comeza a conta atrás......

Bases PREGUNTÓN 2018 from Yolanda Castro

REINVENTEMOS XUNT@S UNHA ESCOLA PARA TOD@S. 34 CONCURSO ESCOLAR ONCE

Baixo o lema “Reinventemos xunt@s unha escola para tod@s” os alumnos e alumnas do CPI As Mirandas de Ares e do CPI Plurilingüe Virxe da Cela de Monfero, uniron esforzos para elaborar e realizar  unha serie de vídeos para o Concurso Escolar Once.  Con esta proposta a Fundación ONCE pretende sensibilizar aos alumnos/as, pais e nais, profesores e profesoras e a todo o resto da sociedade sobre a importancia de crear unha escola na que todo o mundo teña un oco e un lugar, dunha forma dinámica e en equipo, unindo as nosas forzas e ideas para construila xuntos.

Aquí podedes ver os videos realizados e presentados ao concurso escolar. Parabéns aos rapaces e rapazas dos dous centros polos guións que realizaron.

1º ESO. CPI AS MIRANDAS

          

ESO. 2º A. CPI AS MIRANDAS

            

3º ESO. CPI AS MIRANDAS

          

1º ESO. CPI Plurilingüe Virxe da Cela

3º ESO CPI Plurilingüe Virxe da Cela

HOMENAXE AS MULLERES

          

Podedes ver a curta documental se premedes na seguinte imaxe ou no enlace que está debaixo

                                           https://player.vimeo.com/video/248783285

Emotiva homenaxe ás mulleres, o que vivimos o venres 9 de marzo na proxección do documental “Marea de Mulleres”, audiovisual realizado polo alumnado de 4º de ESO do CPI As Mirandas no proxecto “Vidas Mariñeiras” que levamos a termo no primeiro trimestre.

Dende aquí queremos dar os nosos  parabéns  as homenaxeadas, que non son máis que a representación de todas as mulleres que loitaron e loitan co seu traballo, moitas veces calado e non recoñecido, por sacar adiante a familia, aos fillos, a vida... e que loitaron por labrarnos un futuro e tanto traballaron por nós. 
Dentro das actividades que levamos a termo polo Día da Muller,  as alumnas e alumnos do centro escolar en colaboración co Concello quixeron dedicarlle este acto. Só quero subliñar as verbas coas que remata o documental, escritas por Verónica de 4º ESO: 

 “Intemporais, como as ondas do mar que se moven coas mareas,en silencio, mais sen perder forza, sen descanso e sen queixa, constantes, inesgotables e experimentadas, agochando unha chea de ventos e correntes, as súas historias. Moito cambiou dende que botaron a andar, pero o delas segue sendo o noso ronsel, un camiño das mulleres e da terra, un camiño noso, no mar”. 

“Dedicado a todas aquelas que co seu traballo loitaron polos nosos dereitos e liberdades”.

Non quero rematar estas liñas sen dar a en hora boa a todas as alumnas e alumnos de 4º polo seu incansable e bo traballo tanto na realización do documental, como no acto. Impecables tod@s: dende as presentadoras, á lectora do discurso, os músicos, as rapazas que acompañaron en todo momento ás  mulleres homenaxeadas, a fotógrafa, o realizador do vídeo... 

Vídeo do acto

MULLERES QUE FIXERON HISTORIA

Despois do acto de mobilización pola rúa que realizamos onte, seguimos conmemorando o Día da muller con diversas actividades entre as que destaca a realización dos mini documentais  titulados “Mulleres que fixeron historia”.  A través das distintas materias  os alumn@s  investigaron a vida e obra de mulleres que despuntaron en múltiples disciplinas e que en moitos casos o seu traballo nunca tivo o recoñecemento que se merecía.  Científicas, literatas, deportistas, artistas, inventoras, matemáticas, aventureiras… aparecen nestes traballos audiovisuais que realizaron os rapaces e rapazas dos cursos de ESO e 5º e 6º de primaria.

A través deles poderedes descubrir a fascinante vida desas mulleres que a maioría das veces, tiveron que derrubar muros para chegar a alcanzar as súas metas.

Traballo realizado polos alumnos/as de 1º ESO na materia de Lingua galega
Pioneiras galegas

        

               Traballo realizado pol@s alumn@s de 6º A de primaria

Verónica Boquete, xogadora de fútbol

            

Traballo realizado pol@s alumn@s de 5º B de primaria

Sara Baras, bailaora

Traballo realizado pol@s alumn@s de 6º B de primaria

Amelia Earhart, aviadora

 

Traballo realizado pol@s alumn@s de 5º A de primaria

Chus Lago, alpinista

Traballo realizado pol@s alumn@s de 4º ESO B na materia de matemáticas.
Sophie Germain, matemática

         

ACTO NA RÚA POLO DÍA DA MULLER

O CPI As Mirandas. xunto co Concello de Ares a través do Centro de Información á Muller CIM) e a Concellaría de Muller, organizamos  diversas actividades co gallo da celebración do Día Internacional Da Muller. A primeira delas tivo lugar esta tarde a través dunha mobilibización polas rúas da vila como concienciación e visibilización das enormes diferenzas que existen aínda nos dereitos de mulleres e homes. Na marcha participaron os estudantes do CPI As Mirandas xunto cos seus profesores e directora así como as asociacións de mulleres do municipio e os representantes das distintas concellerias, nas que se encontraban representantes do CIM (Centro de Información á Muller, concelleria da muller e de cultura e o alcalde. 

 A marcha rematou na praza da Constitución cun manifesto que realizaron os alumn@s do CPI As Mirandas e finalizamos cunha canción de SES, “Tempestades de sal”.

 O longo desta semana iranse sucedendo diversos actos, tanto no centro educativo como no concello, entre os que destaca o venres 9 de marzo a "Homenaxe as mulleres" que os alumn@s de 4º ESO están a preparar, acto no que se proxectará o documental Marea de Mulleres, realizado por eles.

Manifesto 8 marzo, Día da Muller. CPI As MIrandas from Yolanda Castro

CELEBRANDO A ROSALÍA, 24 FEBREIRO 2018

O sábado 24 de febreiro lembramos a figura da nosa poeta máis universal, Rosalía de Castro. Por iso, para expandir o poder da súa palabra, o alumnado de 3º de ESO, vencellando lectura e competencia dixital, realizou un pequeno vídeo coa lectura dun texto de Ledicia Costas no que reivindica a Rosalía como a muller que, adiantada ao seu tempo, mobiliza a nosa conciencia colectiva, galega e universal, esa muller que fala tamén para a mocidade do século XXI transmitíndonos a través da súa obra  a rebeldía dos seus versos desde o presente. Un homenaxe que pretende mostrar  á muller, á escritora, á irredutible, á voz que fascina coa súa luz por onde pasa e que moitas veces está aínda por descubrir. 

DÍA DA MULLER- COEDUCACIÓN - IGUALDADE

DÍA DA MULLER - COEDUCACIÓN - IGUALDADE  RECURSOS RECOMPILADOS POLA BIBLIOTECA DO CEIP MESTRES GOLDAR  Relación de recursos para traballar a coeducación : Actividades tic e recursos didácticos de primaria elaboradas por mestras y mestres do Claustro do CEIP SAN WALABONSO de Niebla (Huelva) para traballar a educación en valores:   8 de marzo: Día internacional de la mujer trabajadora. Artigos, ligazóns, actividades..., para traballar nas aulas arredor desta data.         Procura do Tesouro: Día Internacional da Muller Traballadora, do Ceip Andrade     WEBQUEST: Mulleres na historia de Galicia, do Ceip Milladoiro- Malpica     WEBQUEST: Siguiendo el rastro de las mujeres elaborada por Irene González Mendizábal:                               CAZA DO TESOURO: Una mujer, un voto. Ceip San Walabonso                 CAZA DO TESOURO: Zenobia Camprubí, una mujer trabajadora. Coeducación e igualdade de xéneros, para 2º e 3º ciclo de Primaria            Contos: La Cenicienta que no quería comer perdices                             Una feliz catástrofe                Rosa caramelo     Webquest (1º ciclo de Primaria):       LIBROS COEDUCATIVOS:      - Bibliografía comentada de 20 libros coeducativos escritos en galego e publicados desde 2005   (Elaborada por Montserrat Pena Presas).      - Guía de literatura infantil e xuvenil non discriminatoria.   - LECTURAS PARA A IGUALDADE. Páxinas con diversas propostas de lecturas que xiran arredor da igualdade de xénero e da condición feminina.  UNIDADES DIDÁCTICAS: Para E. Infantil e Primaria Para ESO e Bacharelato UNIDADE DIDÁCTICA  para a Educación Primaria elaborada polo STEG    RELACIÓN DE RECURSOS RECOMPILADOS POLA ESCOLA UNITARIA DE VIDE     VER MÁIS RECURSOS EN COEDUCACIÓN - IGUALDADE DE XÉNERO

GRACIAS A BIBLIOTECA DO CEIP MESTRES GOLDAR

APADRIÑAMENTOS LECTORES

Hoxe estreamos unha nova actividade na nosa biblioteca. Os APADRIÑAMENTOS LECTORES.
O alumnado de primaria apadriñou aos pequerrechos de infantil e léronlles  contos.
A actividade resultou xenial!!! Tanto os grandes coma os pequerrechos, marcharon con ganas de volver.
Sen dúbida, repetiremos a experiencia.

ENTROIDO 2018

NOVA EDICIÓN DO FESTIVAL AUDIOVISUAL OLLOBOI

Ábrese o prazo para participar en Olloboi! Desde hoxe e ata o 30 de abril alumnado e profesorado pode inscribir as súas curtas escolares en Olloboi.com. Estreamos páxina web e nela atópase, ademais do formulario e bases desta edición, as curtas gañadoras de cursos pasados e interesantes recursos para elaborar unha peza (actividades e charlas con profesionais en Aprendo con Olloboi, das que avanzamos unha pequena píldora co Olloconsello de Miguel de Lira). Hai recoñecemento á mellor curta de Infantil e Primaria (categoría Peque), e á mellor de Ensino Superior (Plus18). Ademais, o noso Xurado outorgará premios á mellor montaxe, interpretación, fotografía, guión, son e arte. A entrega de premios terá lugar o venres 11 de maio dentro dos actos do Encontro Olloboi. Inscríbete xa na nosa web! Enviaremos máis información sobre o Encontro en vindeiras comunicacións. Así que... a divertirse, crear e compartir!

Bases olloboi 2018 de satelite1

DÍA ESCOLAR DA PAZ E A NON VIOLENCIA NO CPI AS MIRANDAS

No Día escolar da Paz e a Non Violencia, recordamos no noso centro educativo que a paz non é soamente a ausencia de guerra. A paz resulta da xustiza e a participación activa de todos os cidadáns e cidadás.

Nesta  xornada que estamos a conmemorar lembramos que a paz baséase no principio de que todos  –sen distinción de raza, ideoloxía, nacionalidade, lingua ou relixión- somos iguais, cidadáns da mesma terra e en consecuencia estamos e sentimos a chamada a ser máis humanos, a vivir  a non-violencia e a traballar pola paz.

E para expresar ese desexo de paz  os nenos e nenas de diferentes cursos  en representación de todos, mostraron o noso compromiso pola paz coa lectura de diversos poemas.

Para finalizar o acto Uxía, de 3º da ESO, en representación de toda a  comunidade educativa  leu  o  manifesto  pola paz  do  noso cole.

Rematamos cantando xuntos a canción “Color Esperanza” que foi interpretada tamén en lingua de signos polas nenas e nenos do cole.

Aquí vos deixamos un vídeo da xornada.