Xa chegaron os Reis Magos ao CPI As Mirandas!!!

BO NADAL E MELLOR 2021

 A Comunidade Educativa do CPI As Mirandas deséxavos unhas Felices Festas e un mellor Aninovo 2021.

Cos nosos mellores desexos de saúde, traballo, paz e fraternidade,

Ansia de ler: libros para agasallar e para disfrutar.

 No medio dunha pandemia que nos obriga a reducir a nosa vida social, na incerteza, na inquedanza, a lectura é un recuncho no que podemos agocharnos.

 Un libro abre as fiestras a todo un mundo sen máscaras. Un libro lévanos de viaxe sen saír da casa. Un libro acompaña. 

A soas, cos nenos, coa familia: le. 

Feliz Nadal.

 

Suxestions de lecturas, Nadal 2020 from Francisca Pérez

DÍA INTERNACIONAL DA VIOLECIA DE XÉNERO NO CPI AS MIRANDAS

Hoxe é o Día Contra a Violencia de Xénero . Traballamos nas aulas este tema tan importante realizando varias actividades encamiñadas a concienciar ao alumnado sobre a relevancia deste problema na sociedade.

Aquí tedes os murais e paneis realizados en infantil, primaria e ESO así como un vídeo no que toda a comunidade educativa súmase  á loita contra esta lacra que a día de hoxe segue a deixar sen soños e sen vida a moitas mulleres.

A continuación podedes ver o vídeo relizado polo alumnado de 6º E.P.

MURAL DOS PEQUERRECHOS DE INFANTIL

EXPOSICIÓN DE CARTEIS DO ALUMNADO DA ESO

20 novembro. DÍA DOS DEREITOS DOS NENXS

O 20 de novembro conmemórase en todo o mundo o Día Internacional dos Dereitos dos Nenxs. Desde o CPI As Mirandas queremos chamar a atención sobre os millóns de nenos e nenas que seguen sen ter acceso aos dereitos máis básicos como a educación, a sanidade, un fogar...e que teñen que abandonar os seus soños. E facemos tamén un chamamento aos gobernos para que cumpran os seus compromisos de realizar plenamente os dereitos da infancia. Hai que traballar para que todos, independentemente do lugar ou as condicións nas que nazan, teñan un futuro mellor!   

          Os nenxs son o recurso máis importante do mundo e a mellor esperanza para o futuro.

       Aquí podedes ver o vídeo que as alumnas e alumnos de 2º ESO realizaron para difundir esta data.

Charlas ARELAS

Esta semana e a pasada tivemos a oportunidade de que Cristina Palacios, presidenta de ARELAS, realizara unha charla en liña de sensibilización sobre o colectivo LGBT dende a nosa biblioteca Carabela para os cursos 5º e 6º dentro do contrato-programa CON-VIVE.

A asociación ARELAS é unha asociación de familias de nenxs e adolescentes transexuais, cuxo obxectivo é traballar e promover a defensa dos dereitos dxs nenxs e adolescentes trans en todos os ámbitos da súa vida.

Nestas charlas, na que o alumnado se mostrou moi participativo, aprenderon sobre os seguintes temas:

- Os catro elementos que conforman a diversidade afectivo- sexual: sexo asignado, identidade sexual, orientación sexual e expresión de xénero. 

- Colectivo LGTBI+. Referentes e pioneirxs. 

- Principais formas de homofobia e transfobia. 

- Acoso LGTBIfóbico e as súas consecuencias. 

- A importancia de respectar e acompañar a diversidade.

RECURSOS DIDÁCTICOS SAMAÍN E MAGOSTO

 

Achégamos unidades didácticas para infantil e primaria de Samaín 2020 e do Magosto 2020, elaboradas polos EDLG de varios centros de ensino da Coruña, con diferentes textos, actividades e manualidades por se vos son de utilidade para celebrar estas dúas festas. Saúdos

Magosto 2020 from satelite1

SAMAÍN 2020 by veracruces on Scribd

24 DE OUTUBRO, DÍA DAS BIBLIOTECAS

 Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas. 

A Dirección Xeral do Libro e Fomento da Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2020. "A edición deste ano, baixo o lema 'Bibliotecas, sempre ao teu carón' céntrase en destacar o importante papel que xogan as bibliotecas ofrecendo acceso á cultura, ao coñecemento e ao entretemento en calquera lugar e circunstancia." Trátase de poñer en valor a capacidade de seguir ofertando servizos en circunstancias tan complexas como as que estamos a vivir.

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que están sempre ao noso carón. 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

Este curso, o lema das bibliotecas escolares de Galicia XEOGRAFÍAS LECTORAS NA BIBLIOTECA ESCOLAR , quere poñer o foco nas posibilidades que ofrece a biblioteca escolar para a construciónn da  persoa lectora  a través de distintas actividades de distintas actividades que programa e dos recursos que pon a disposición da comunidade educativa, que a ten sempre ao seu carón. Este lema é aproveitado por algunhas das bibliotecas para esta celebración.

 

UNHA MANDA DE PEZAS PARA ISAAC

Este ano 2020 conmemórase o centenario do nacemento de Isaac Díaz Pardo e Alento Esbravexo convoca un concurso onde cadaquén pode inspirarse en algo relacionado coa figura de Isaac Díaz Pardo (un acontecemento concreto da súa vida, un debuxo, unha pintura, unha tipografía, un cartaz, unha peza cerámica, etc.), tamén se poderá inspirar na súa escola (empresas que formou, artistas discípulos de Isaac,...) ou mesmo se pode facer algo totalmente novo, xa for reinterpretando calquera destes eidos artístico-vitais indicados e crear un debuxo, unha pintura, un tipo de letra, un deseño, grafiti, xoia, danza, música, etc. con total liberdade.

O prazo de presentación das obras remata o 13 de agosto de 2020.

Para participar deberase enviar un correo a: alentoesbravexo@gmail.com

Con todo o material recibido tentarase facer un libro, unha exposición,...(sempre dependendo da situación vírica actual).

 Preme aquí para consultar as BASES

Máis información no seguinte enlace: https://axendacultural.aelg.gal/2020/06/30/proposta-unha-manda-de-pezas-para-isaac/

A BIBLIOTECA NON ESTÁ PARADA.

 A nosa biblioteca está toda feita un lío, pero non está parada. Como, de resultas da Covid 19, temos que adaptar o seu funcionamento, estamos organizando un sistema de préstamos adaptado. Así que aquí andamos: montamos mobles para os préstamos ás aulas, reorganizamos as mochilas viaxeiras para permitir a corentena dos libros, elaboramos os protocolos de uso...  Movémonos, e xa pronto volveremos a abrir para o préstamo individual. 

MAFALDA INMORTAL

 

Onte deitámonos coa mala nova do pasamento do gran Quino...pero Mafalda será inmortal.

A primeira historieta de  Mafalda publicouse o 29 de setembro de 1964 no semanario Primeira Plana, pero a nena nacera un ano antes, creada para un anuncio –que nunca viu a luz– da axencia de publicidade onde  Quino traballaba para financiar a súa paixón polo debuxo. Fillo de inmigrantes andaluces, con trece anos empezou a estudar Belas Artes en  Mendoza, pero fartouse do clasicismo da academia para dedicarse ao cómic e aos 18 anos foi vivir a Buenos Aires, publicando a súa primeira tira cómica no semanario “Esto Es”  en 1954.

As aventuras de  Mafalda publicáronse entre 1964 e 1973, pero seguiron reeditándose, traducíndose,  replicándose en revistas e diarios e percorrendo o mundo e as distintas xeracións durante medio século. Ata hoxe.

Aínda que a súa vixencia no século  XXI é total, o debuxo de  Mafalda quedou conxelado en 1973, o humorista non dubidou en recrear a  Mafalda por unha boa causa, como cando en 1977 ilustrou a Declaración Universal dos Dereitos dos Nen@s para Unicef. O debuxante e a súa filla Mafalda foron obxecto de múltiples homenaxes e recibiron galardóns por todo o planeta, destacando no 2014 o ­título de Cabaleiro da Lexión de Honra de Francia e o Príncipe de Asturias de Humanidades.

Ata  sempre  Quino.  Sempre nos quedará  Mafalda.

XOGO INFANTIL TURISTEANDO COS MIÚD@S

TURISTEANDO COS MIÚD@S, é o primeiro xogo infantil interactivo para que os miúdos e miúdas descubran a riqueza cultural e turística da provincia da Coruña. Un xogo realizado para o fondo de Proxectos Culturais do Xacobeo 2021 co que podedes xogar en calquera momento, no colexio ou na casa.

Se queredes xogar e acceder a el, só tedes que clikar na imaxe que tedes a continuación.

 

COMEZAMOS UN NOVO CURSO FORMÁNDONOS EN LINGUA DE SIGNOS

O 23 de setembro, celébrase o Día Internacional das Linguas de Signos. Unha data que Nacións Unidas declarou oficialmente en 2017 facéndoa coincidir co aniversario da Federación Mundial de Persoas Xordas para reivindicar estas linguas como parte da diversidade lingüística e cultural.

Se queremos un desenvolvemento saudable  para xs nenxs xordxs, é necesario superar aquelas ideas que obstaculizan a posibilidade de ofrecer e recibir unha atención integral que, entre outras cousas, inclúa a adquisición da lingua de signos nos colexios.

Esta semana  no noso cole,  formámonos  e aprendemos  LSE dá  man de Teresa dá Asociación de  Persoas  Xordas de Ferrolterra. Grazas  Teresa por abrirnos os ollos e as mans á LSE.

 

PROTOCOLO COVID-19

 

A biblioteca Carabela presenta o seu protocolo establecido e consensuado entre a dirección do centro e a biblioteca escolar.

Este protocolo supón  reorganizar os espazos e os tempos para dar cumprimento as medidas de distanciamento social coa finalidade de preservar a saúde da nosa comunidade educativa.

Medidas a adoptar:

1.- Aforo máximo 15 persoas ( 50% dos postos de lectura )

2.- Rutinas diarias:

-          Manter a distancia de seguridade.

-          Uso de protección facial

-          Hixienizar as mans ao entrar e saír da biblioteca

-          Hixienizar o posto ao saír por parte do usuario

-          Ocuparanse unicamente os postos sinalizados.

-          Ventilación da biblioteca despois dos recreos e de cada uso.

3.- Organización de préstamos:

O sistema de préstamos continuará funcionado nos recreos tal e como esta establecido nas normas de biblioteca ( 3 libros ou películas, 15 días ) Habilitaremos un espazo na entrada da biblioteca para deixar os préstamos que permanecerán 2 días en corentena antes de reincorporalos aos andeis.

Os titores terán a súa disposición as coleccións que están nos armarios dos corredores. Debe recordarse que tras o seu uso e devolución  por parte dos nenos terán que estar dous días en corentena antes de gardalos.

 4.- recreos:

Estableceranse quendas:

HORARIO	LUNS	MÉRCORES	VENRES
12:15-12:30	4º	5º	6º
12:35-12:50	1º	2º	3º

 4.- Funcionamento:

Dado o aforo máximo permitido non se contempla a reserva de horario por parte das titorías pero si se permitirá o uso da biblioteca a grupos que non superen o aforo. O responsable do grupo controlará a hixienización e ventilación da mesma.

Haberá tres ordenadoras a disposición do alumnado respectando a distancia social. Cada usuario encargarase da hixienización antes e despois.

Este curso  contemplamos unha modificación no préstamo das  Mochilas Viaxeiras. Cada aula contará con dúas mochilas que se alternarán no préstamo para garantir a corentena dunha semana. Comezamos con primaria

Realizaranse préstamos de lotes de material para cada aula en función dos intereses do alumnado e profesorado. De cada vez que o material se devolva á biblioteca  permanecerán dous días en corentena.

En principio non se contempla a participación do alumnado de 5º e 6º como colaborador da biblioteca esta labor recaerá nos membros do equipo.

Dependendo da evolución da situación sanitaria poderá replantexarse esta medida.

Todas as actividades que se promovan por parte da biblioteca terán que ter en conta a necesidade de hixienización, distanciamento persoal e ventilación.  Na programación das actividades priorizarase a actuación no exterior e nas aulas.

 

QUE LER, QUE VER NESTE VERÁN?

Por se non sabes que elexir ou por cal empezar das nosas suxestións de verán, aquí che vai un resumo de cada obra. E recorda que as referencias de idade son só unha indicación aproximada... moitos adultos disfrutarán dos álbumes dos máis pequenos e para a rapazada non hai pracer máis grande que ler a turnos ou escoitar aos seus maiores cando lle len.

Suxestions veran 2020 sinopsis from Francisca Pérez

SUXESTIÓNS DE LECTURAS, VERÁN 2020.

E despois deste curso raro, raro... quédanos a lectura, o cine, as series, as historias, disfrutar e vivir...

Aquí vos van algunhas suxestións para este verán. Dentro dun pouco poñémosvos de que tratan.

Suxestions veran 2020 from Francisca Pérez

CPI AS MIRANDAS. XORNADAS DE ACOLLIDA VIRTUAIS PARA O ALUMNADO QUE REMATA EDUCACIÓN PRIMARIA E INICIA A ETAPA DE ESO

Este curso, por mor da crise sanitaria que estamos a vivir, as xornadas de acollida para o alumnado de 6º de EP que comeza a ESO non puideron ser presenciais, polo que o Departamento de Orientación preparou este plan de acollida virtual. Grazas a Begoña á nosa orientadora e ás alumnas de 1º de ESO Nagore, Antía e Alba que colaboraron na realización desta presentación.

AS NOSAS ALFOMBRAS FLORAIS CRUZAN FRONTEIRAS. PROXECTO ERASMUS + TRADICIÓNS

Grazas ao alumnado e as familias do CPI AS Mirandas de Ares por contribuir a espallar a nosa tradición das alfombras florais máis aló das nosas fronterias a través do Proxecto ERASMUS+.

Parabéns pola labor que fixéstedes esta fin de semana nas vosas casas elaborando esas alfombras florais tan belas e creativas e sobre todo, por seguir mantendo vivas as nosas tradicións. 

Sodes o futuro. Noraboa!!!

NOTICIA DE PRENSA

DÍA DAS LETRAS GALEGAS DESDE O CPI AS MIRANDAS

Bos días a todos e todas. Como ben sabedes, hoxe é o Día das Letras Galegas e, aínda que este curso non puidemos celebralas como quixeramos,  o noso  ilustre escritor e poeta D. Ricardo Carballo Calero, homenaxeado este ano 2020, quixo  lernos e dedicarnos algúns dos seus poemas. 

FELIZ DÍA DAS LETRAS GALEGAS

Velaquí o vídeo e.....

CARBALLO CALERO. LETRAS GALEGAS 2020

https://view.genial.ly/5eb042186f16bf0d194d52c8

                                                                             Ola a tod@s!!

Este ano teremos que esperar a outubro para celebrar a nosa gran festa... pero ben podemos ir tendo presente a Carballo Calero, o autor ao que están dedicadas as Letras Galegas este ano, non si?

Pois ben, se premedes nas seguintes imaxes poderedes acceder a diversas actividades interactivas para coñecer un pouco máis sobre o autor ferrolán homenaxeado .

Picade nas  imaxes.

 

 

E SE QUEREDES ACTIVIDADES OU DEBUXOS PARA DESCARGAR PREMEDE NA SEGUINTE IMAXE

AQUÍ TEDES UNHA MOREA DE ACTIVIDADES SUPER DIVERTIDAS 

COAS QUE APRENDEREDES MOITAS COUSAS DE  DON RICARDO
Para comezar a xogar so  tes que premer  no megáfono que se atopa ao lado do 2

AS PITAS BAIXO A CHOIVA: O CONTO , A MÚSICA E MOITO MÁIS....
Preme na imaxe

SERÁS  QUEN DE FACER ESTE CREBACABEZAS?

PREME NA IMAXE 

                                                       Teño unha dor.  Carballo Calero. 

Poema musicado 

A CREATIVIDADE EN TEMPO DE CONFINAMENTO NO CPI AS MIRANDAS

A creatividade é un recurso necesario tanto para o coñecemento como para o entretemento das persoas, pero nestes tempos de confinamento o é aínda máis. Moitas familias,  alumn@s e  profes  atrevéronse co mundo audiovisual mostrándonos algunhas das actividades que realizan. 

Contos, música, traballos, vídeos cómicos…que na maioría dos casos teñen a corentena como eixo das historias. Xa vedes...quedámos na casa  pero non paramos!!!

Aquí deixámosvos estas producións  feitas  con moito amor e humor.  

                                Co seu permiso compartimos estes simpáticos e  espectaculares vídeos

                                        Serie… “En tempos de  confinamento”.

 

DÍA DO LIBRO 2020 NO PI AS MIRANDAS

      
       Hoxe 23 de abril conmemoramos o Día do Libro.
 En condicións normais estariamos ao celebrar no noso cole con diversidade de actividades desde o noso Equipo de Dinamización Lingüística e a nosa Biblioteca  Carabela, pero a pesares da  ausencia sabemos que nas vosas  marabillosas mentes foron aflorando ideas para facer máis amena a estancia na casa. Nestes tempos de confinamento, a mellor opción é apostar polos libros que nos convidan a viaxar, a embarcarse en historias incribles, a saír das nosas casas e mergullarnos en universos alternativos. A través deles viaxamos por este mundo e polas estrelas, vivimos aventuras formidables, sentimos emocións extraordinarias, facemos amizades literarias, vencemos inimigos imaxinarios, compartimos vivencias  intensísimas e sentímonos máis vivos e libres.  

Sei que moitos de vós  tedes sentido na vosa propia pel esta terapia formidable da lectura, como así o  reflectides en tódalas fotos que nos estivéchedes enviando durante esta etapa de confinamento.
Con todas elas quixemos facer este vídeo, non só para conmemorar o Día do Libro senón tamén para render unha merecida homenaxe a todos vós queridos  alumnxs, ás vosas familias, aos  profes e a todo o persoal da nosa magnífica comunidade educativa do CPI  As  Mirandas.

Moito ánimo, apertas a  moreas e....  vémonos pronto, no o dubidedes.  

                                                           Querémosvos. Bicos mil

          

CPI AS MIRANDAS. 23 ABRIL. DÍA DO LIBRO

AUTORRETRATOS CON LIBROS. 

Dende o Equipo de Dinamización Lingüística e a Biblioteca Carabela do CPI As Mirandas propoñémosvos participar nunha actividade de fotografía pensada para celebrar o "Día do Libro", o vindeiro 23 de abril:

• Dirixido a toda a comunidade educativa: alumnado, profesorado, familias... 
• 
  
•  A actividade ten por obxecto a creación dunha foto na que aparezades retratados xunto ca portada dun libro. Debido as actuais circunstancias, e pensando que nas casas non temos tantas posibilidades como na biblioteca do cole, ampliamos a revistas, periódicos, discos e CDs. Poderedes usar tanto as imaxes das portadas como as do interior.
• Na imaxe final ten que establecerse algunha relación entre a imaxe do libro e a persoa retratada:  continuidade do que vemos na portada, relación directa co título do libro, alusión ao contido do libro....En calquera caso ten que aparecer retratado o/a autor/a da fotografía. Podédesvos disfrazar dos personaxes do libro se queredes...

•      Poden colaborar con vos para que vos saquen a foto, non é obrigatorio que sexa un “selfie”.
•  Poderanse presentar fotografías con calquera formato: cadradas, rectangulares... Poden ser imaxes directas ou retocadas.

•    As fotos deben ser enviadas ao correo electrónico do EDLG: tesmoitalingua@gmail.com  ou por washap ao nº 686766856

•  A data límite de entrega é ata o mércores, 22 de abril de 2020.

•  Exposición: As fotos presentadas serán subidas aos blogs do EDLG e  biblioteca e á páxina web do cole.

Aquí tedes algúns exemplos: 

AVENTURAS EN IGUALDADE

Esta é unha nova actividade da biblioteca para promover o servizo de préstamos.
Con esta iniciativa pretendemos fomentar o hábito lector no alumnado.
A actividade consiste nun taboleiro con camiños e casiñas que hai que ir superando ata o final, o modo de ir pasando dunha casiña a outra é lendo libros.
O tema do taboleiro son  libros sobre igualdade. Cada neno e nena elexirá unha personaxe dos contos e a súa foto para ir marcando o percorrido.
Contamos cun caderno de bitácota no que os lectores/as poden anotar información referente aos libros e un rexistro de viaxeiros para anotar a todos/as os /as que terminen a viaxe.

DÍA DE ROSALÍA. CPI AS MIRANDAS. CONCELLO DE ARES

Hoxe o noso centro realizou xunto co Concello de Ares un fermoso acto para lembrar a Rosalía de Castro, dentro da semana dedicada a nosa escritora máis universal. Nenos e nenas de primaria e rapaces e rapazas de ESO interpretaron e cantaron os poemas e a obra de Rosalía acompañados da música da xove banda do noso cole e de  Mónica, a profe de música. 

Tamén realizaron a lectura continuada representantes de entidades culturais de Ares, Cervás ou Redes, persoas do mundo do deporte como Paula Mayobre ou Álvaro Yllobre, representantes municipais, profesores e veciñanza. 

                               
 Grazas a todos pola vosa participación neste acto. 

 Rosalía…sempre Rosalía… 

Aquí vos deixamos uns vídeos da xornada

Lectura do alumnado do CPI As Mirandas

 

Lectura continuada da obra de Rosalía a cargo da veciñanza, representantes de entidades culturais  e deportivas, representantes municipais e profesores.

Galería fotográfica



Interpretacións musicais. Xove banda do CPI As Mirandas

ENTROIDO 2020. CPI AS MIRANDAS

Este ano o Entroido vestiuse coa cor do noso proxecto de centro, “ARES DE CONTO”. 

Un percorrido polos personaxes dos contos, lendas e literatura universal. Os trasniños da nosa Cova do Trasno de Ares, Carapuchiña Vermella, Branca Neves, príncipes, ananos,  Moby Dick, Harry Potter, Shrek, Piratas, Wallys, o Gato con botas, o Flautista de Hamelin e os seus ratiños, os dálmatas e Cruela de Vil e un sen fin máis de personaxes de conto desfilaron polas nosas rúas nun día de sol radiante.

 Logo degustamos lambetadas de Entroido e un rico chiculate para endulzar o bandullo.

Grazas infinitas á banda de gaitas de Ares por colaborar con nós e poñer a nota musical ao noso desfile e por suposto, a tod@s polo voso esforzo á hora de preparar esta xornada de Entroido que é máis que unha simple xornada, son días de preparativos fora incluso das horas lectivas para confeccionar os disfraces e todo o que rodea o Entroido.

Agora a gozar destas mini vacacións.

Aquí deixamos a reportaxe da xornada.

VISITA Á COVA DO TRASNO

Con motivo da visita de Javier Vilasánchez o pasado mércores, decidimos ir visitar a Cova do Trasno. Ademais, cunha incrible sorpresa! O trasno Simón anda a facer trasnadas e tiña escondida a chave da seguinte busca do tesouro.