ACTOS NO DÍA INTERNACIONAL CONTRA A VIOLENCIA DE XÉNERO NO CPI AS MIRANDAS

Hoxe, 25 de novembro, no CPI As Mirandas, lembramos o Día Internacional da Eliminación da Violencia de Xénero cunha actividade en colaboración con CIM do Concello de Ares. 

As 13:00 horas o director do CIM e a directora do centro tomaron a palabra para condenar esta lacra e recordar que debemos seguir insistindo en campañas de prevención, informando e previndo desde todos os ámbitos da sociedade: desde a familia, cunha educación en igualdade, desde os colexios, cunha coeducación real, desde o traballo e desde os poderes políticos. 

A nosa profe de inglés, Amparo, realizou a tradución simultánea do manifesto xa que neste acto acompañáronnos os alumnos/as e profesores do intercambio Erasmus +.

Trala lectura dos manifestos soltáronse varios globos cargados de mensaxes realizadas por todo o alumnado do centro (E.I, E.P, ESO). Mensaxes que voarán cheos de esperanza concretados en desexos do alumnado do CPI As Mirandas.

Xa pola tarde tivo lugar unha charla para o alumnado de 4º curso de ESO sobre a violencia sexual impartida por Angélica Mercado Torres  especialista universitaria en estudos de xénero e políticas de igualdade a través da Secretaría Xeral de Igualdade.

Mañá martes 26 de novembro, o alumnado de 5º e 6º de infantil asistirán á  sesión de contacontos “As cores” coa temática da Igualdade e impartido pola artista local Lidia Pena.

Os nenos e profes de infantil tamén conmemoraron esta data cun mural realizado por eles.

BENVIDA. #ERASMUS+.AS MIRANDAS.2019

Dende o 24 e  ata o 29 de novembro no noso centro, o CPI As Mirandas, compartiremos experiencias con 20 alumnos/as e 12 profesores/as de 5 países (Turquía, Polonia, Romanía, Grecia e Italia) cos que estamos levando a termo un proxecto europeo,KA229: Manifestacións artísticas desde as festividades e tradicións europeas”.

Este  domingo foron recibidos por unha representación do centro e realizaron unha etapa do Camiño de Santiago así como unha visita guiada polo casco histórico.

Hoxe luns realizaron unha visita ao Concello onde foron recibidos polo alcalde e representantes do Concello. Seguidamente fixémoslles unha benvida no noso centro. O alumnado de primaria así como un grupiño de alumnos da ESO agasalláronos  cun mini concerto e bailes típicos. Logo percorreron as aulas de primaria e infantil e departiron con profes e nen@s.  Tamén participaron no acto que realizamos no centro con motivo do Día Internacional contra a Violencia de Xénero, no que estiveron tamén representantes do concello e do CIM (Centro de atención  á muller).

Desexámoslle unha estupenda estadía na nosa vila xunto a todos nós e ás familias acolledoras.

Seguiremos informando desde tesmoitalingua e a páxina web do noso cole.

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Parece que todos os días semellan iguais, máis este luns, 25 de novembro, Día Internacional contra a Violencia de Xénero, queremos

dun xeito especial, denunciar e levantar á nosa voz contra esta lacra. A violencia contra as mulleres é unha das máis degradantes violacións dos Dereitos Humanos e continúa progresando no ámbito global.

Algo estamos a construír mal nesta sociedade cando non somos capaces de resolver os conflitos coa palabra. Vivimos nun mundo no que cada vez se vai máis rápido e no que o individualismo e o poder é o que conta. Debemos espertar as nosas conciencias ante as inxustizas e o sufrimento. Debemos pararnos e sentir que cada morte, cada acto violento fainos a todos e a todas vulnerables.

É por iso polo que debemos seguir insistindo en campañas de prevención, informando e previndo desde todos os ámbitos da sociedade: desde a familia, cunha educación en igualdade, desde os colexios, cunha coeducación real, desde o traballo e desde os poderes políticos.

No noso centro o alumnado de 4º ESO tomou a iniciativa de visibilizar e sensibilizar á comunidade educativa e a toda a  sociedade en xeral a través de varios audiovisuais que podedes ver máis abaixo.

No primeiro gravaron un programa onde entrevistaron ás responsables do CIM (Centro de Información á Muller) do concello de Ares e a varios profesores do noso centro que respostaron amablemente ás súas preguntas.

Nos segundos, María, Valentina, Andrea e Marcela poñen as súas voces para narrar como sinte unha muller a indiferenza, a humillación ou a dor polo simple feito de ser muller.

Parabéns ao alumnado de 4º de ESO polo traballo e por suposto a todas e todos os que colaboraron dalgún xeito na súa realización.

Así mesmo en colaboración co CPI Virxe da Cela de Monfero, realizouse unha exposición de carteis creados  polos alumnos/as de ESO de ámbolos dous centros na que mostran, a través da imaxe, a súa visión sobre esta data. (Podedes premer na imaxe para velos en grande).

Por último dicir que, a todos os que formamos parte do CPI  As Mirandas, encantaríanos que moi pronto, o 25 de novembro, Día Internacional Contra a Violencia de Xénero, non haxa nada que celebrar. Porque celebrar este día, deste xeito, non é unha festa, é un toque de atención para que nos demos conta e nos levantemos en defensa dos nosos dereitos e liberdades, porque as mulleres somos iguais aos homes e nada nin ninguén debe someternos. Mentres tanto, desde o noso colexio, seguiremos educándonos na igualdade e loitando pola dignidade de todos e todas.

Finalizamos coas verbas dunha excepcional muller, Clara Campoamor quen dixo: 

“ACUSEI AS INXUSTIZAS PORQUE NON QUERO 

QUE O MEU SILENCIO AS ABSOLVA”

A pesar das nosas diferenzas, compartimos a mesma realidade e estamos unidos na loita para conseguir que o mundo sexa un lugar mellor para todas e todos.

Porque queremos outro mundo, e sabemos que é posible....

CONSTRUÁMOLO ENTRE TODOS!

DÍA INTERNACIONAL DOS DEREITOS DOS NEN@S. "MAHÁN E A CADEIRA VERMELLA". UN CONTO POLO DEREITO Á EDUCACIÓN UNIVERSAL.

"A cadeira vermella" é a campaña que a ONG Entreculturas lanza para concienciar á poboación do Dereito á Educación de máis de 61 millóns de nen@s en todo o mundo que están sen escolarizar.

 Un grupiño de alumnos/as de 1º e 4º da ESO axudaron a presentar esta campaña reivindicando a escolarización universal para todos os nenos e nenas do mundo. Así, realizaron diversas sesións de contacontos para o alumnado de infantil e primaria. Nas sesións os rapaces da ESO narraron o conto “Mahán e a cadeira vermella”, un conto creado polo alumnado do cole Virxe da Cela de Monfero, e que fala sobre o Dereito á Educación Universal. Logo como parte da dinámica, realizaron o xogo de “ A cadeira vermella” así como un pasapalabra sobre o conto. Ao remate da sesión todos os nenos e nenas foron agasallados cunha pegatina alusiva a esta data e levaron unha pequena “cadeiriña vermella” para a súa clase, como símbolo do Dereito á Educación de todos os nen@s do mundo.

Por outra banda, na entrada de secundaria temos un mural realizado polo alumnado da ESO acompañado dunha cadeira pintada de cor vermella. Animamos a todos e todas os que o desexen, a tomar unha foto no mural coa cadeira vermella para realizar unha montaxe fotográfica como apoio á Educación Universal. 

Esta actividade está organizada polo EDLG, a Biblioteca escolar e o Departamento de Reli e valores. Queremos  a través dela potenciar o uso da lingua galega, tanto de maneira escrita como oral, e ofrecernos o lugar perfecto para mergullarnos no mundo das historias.

24 de OUTUBRO, DÍA DAS BIBLIOTECAS

O pasado 24 de outubro celebramos o día das bibliotecas cunha actividade moi motivadora " Vaia Conto ".
Colocamos polo patio imaxes de diferentes personaxes de contos e lles entregamos unha folla onde tiñan que identificar a personaxe, o título e  o autor ou autora de cada imaxe.
Encantoulles!!! e achegamos un pouco máis os contos...


 

MOBILÍZATE POLA SELVA

       Este ano queremos retomar unha campaña que iniciaron no curso 2015-2016, na clase de valores, nenos e nenas que actualmente están no grupo de 6ºA.

      O obxectivo desta campaña é reunir móbiles vellos para envialos a una empresa que os recicla e envía parte dos beneficios obtidos ao Instituto Jane Goodall (IJG). Este instituto realiza unha importante labor social e medioambiental en todo o mundo e, concretamente, no Congo, onde existen graves conflitos derivados en gran medida do enorme consumismo da nosa sociedade: guerras polo coltán, a casiderita e outros minerais empregados na fabricación de aparatos electrónicos, a explotación infantil nas minas, os monocultivos de palma que acaban coa selva e que, xunto coa actividade dos furtivos, ameazan a supervivencia de moitas especies, etc.
MOBILÍZATE POLA SELVA from Bárbara on Vimeo.

    Reuníronse 84 móbiles e, gracias a iso, como agradecemento, conseguimos unha subscrición anual ao Instituto Jane Goodall e o APRADINAMENTO DE 3 CHIMPANCÉS: ANZAC, LEMBA E KAUKA.

     Aquí podemos ver vídeos de como chegaron ao Centro de Recuperación de chimpancés de TCHIMPOUNGA, no Congo.


ANZAC

 LEMBA




KAUKA

WOUNDA, unha historia de esperanza.





    Tamén podedes consultar a páxina oficial do IJG.

   Todos os informes que nos vaian enviando sobre Tchimpounga e sobre os "nosos chimpancés" estarán á vosa disposición na biblioteca do centro.

MENSAXE DE JANE GOODALL.
        



ONG: El coltán, causa de guerra en

BIBLIOTECA ESCOLAR, VIVEIRO DE CIDADANÍA

O lema das bibliotecas para o presente curso 2019/2020 é "Biblioteca escolar, viveiro de cidadanía". Nesta ocasión é o ilustrador Óscar Villán quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar.

Intervir na biblioteca escolar (nos seus espazos, nos seus tempos, nos seus recursos e actividades) ten consecuencias para o alumnado e para a comunidade educativa. Das características e dos enfoques desa intervención dependen os usos e as oportunidades que a biblioteca pode ofrecer. Cómpre unha reflexión sobre a distribución dos espazos, a organización dos tempos, a selección dos recursos e, moi especialmente, sobre o enfoque das actividades, co fin de que a biblioteca escolar poida facilitar o diálogo, a lectura crítica, a reflexión, o acceso ao coñecemento, o pensamento, a investigación, a experimentación, a creación, a comunicación, a adquisición de competencias útiles para a vida e para a convivencia, para o desenvolvemento académico e persoal, para unha participación activa nunha sociedade máis xusta e igualitaria.

Nada disto é doado nin se consegue nun curso escolar. Cómpre sementar, crear ese hábitat axeitado para que os pequenos e as pequenas, os mozos e mozas vaian desenvolvendo a estima por si mesmos e polos recursos naturais e culturais á súa disposición, aprendan a convivir cos outros, adquiran paulatinamente os valores democráticos, o respecto polos Dereitos Humanos e a Cultura de Paz imprescindible para unha convivencia xusta, pacífica e enriquecedora para todos e todas.

A biblioteca escolar pode chegar a ser ese "viveiro de cidadanía" no que medren en confianza as xeracións novas e poidamos forxar esperanza fronte aos retos que o mundo actual nos presenta.

XA ESTAMOS DE VOLTA!!!!

Comezamos un novo curso no que contaremos con moitas actividades, con moitas sorpresas, con moita ilusión e, coma sempre, con vós.

ENTREGA DE PREMIOS E DIPLOMAS FIN DE CURSO

Nun acto conxunto o alumnado do noso centro rematou o curso escolar coa entrega de premios e diplomas aos gañadores das actividades: “Percorridos lectores por Ares”, Campionato de Xadrez, Campionato de brilé, Participantes nos videoclips en lingua de signos e gañadores do Concurso da  Semana Problemática (organizado polo departamento de matemáticas de ESO).

Parabéns a todxs e xa sabedes....para o próximo curso, máis e mellor.

FELICES VACACIÓNS!!!!

ROTEIRO POR ARES CON ROSALÍA.

Hoxe aumentamos os nosos fondos cunha fermosa aportación da aula de Educación Infantil de 5 anos B. Seguindo a proposta da biblioteca do roteiro rosaliano por Ares (sobre unha actividade deseñada pola Asociación Cultural Apelón Educación), os nenos e as nenas dese grupo de Infantil coa súa mestra Mari fixeron esta preciosidade de libro con desplegables. Encántanos este traballo.

SUXESTIÓNS DE LECTURA. VERÁN 2019.

Xa case está aquí o verán e, que chova ou que vaia calor, vaiche apetecer ler. Aquí tes unhas suxestións de libros de diferentes temas e para todas as idades. Recordade que as idades recomendadas son so unha suxerencia. Le o que che apeteza.

Suxestions veran 2019 de Francisca Pérez