GALICIA, AGUA, LITERATURA E RAP

Nova edición do concurso "Galicia,auga, literatura e rap", organizado por Viaqua e La Voz de Galicia. Descubre como participar en www.prensaescuela.es, dentro do apartado Concursos.

35 CONCURSO ESCOLAR ONCE. PATIOS INCLUSIVOS

Baixo o lema “Por min e por tódolos meus compañeiros” os alumnos e alumnas da materia de reli dos centros escolares As Mirandas de Ares e Virxe da Cela de Monfero, uniron esforzos para elaborar e realizar unha serie de vídeos para o 35 Concurso Escolar Once. Con esta proposta a Fundación ONCE pretende sensibilizar aos alumnos/as sobre a importancia de crear unha escola inclusiva e, nesta edición, ponse o punto de mira nos recreos inclusivos. De feito, o patio de recreo convértese nunha micro sociedade dentro do espazo escolar, onde alumnos/as de distintas idades, etapas educativas, perfis... poñen en xogo a súa capacidade de interactuar cos iguais nun espazo onde poñer en práctica as súas habilidades de empatía, negociación, interacción, solidariedade... Coa creación dun videoclip, cunha canción con letra propia de 60 segundos de duración, e a través da interacción imaxe-son, os rapaces e rapazas tentaron plasmar, a través da creatividade, a súa idea de como facer un recreo inclusivo para todos e aprender a vivir coa diferenza e desde a diferenza.

 

CELEBRACIÓN DO DÍA ESCOLAR DA PAZ NO CPI AS MIRANDAS

A VOLTA A ARES EN 1000 LECTURAS

A volta  a Ares en 1000 lecturas é unha campaña de fomento de préstamos. Propuxémoslles aos alumnos e alumnas un percorrido lector por Ares.
Cada libro que len, poden avanzar unha casiña,(que sinalizan coa súa foto). Os lectores intermedios poden avanzar dúas se o seu libro ten máis de 250 páxinas, e os lectores expertos avanzan dúas se o seu libro ten máis de 400 páxinas.
Comezamos o noso percorrido saíndo da Praia de Chanteiro e visitamos Chanteiro, Punta Segaño, Monasterio de Santa Catalina, Cova dos Mouros, Lubre, Besoxo, Río da Xunqueira, Praza de Redes, Redes, Praia de Seselle, Ponte da Ciscada, Porto de Ares, Praia de Estacas e chegamos a meta que é a Illa das Mirandas.
Os que rematen unha volta completa poden volver  facer outra, para elo marcámoslle unha cruz na súa foto. Cantas máis cruces, máis voltas.
Animádevos a levar moitos libros.

FESTIVAL NADA 2018

EDUCACIÓN INFANTIL



 

PRIMEIRO E SEGUNDO  DE EDUCACIÓN PRIMARIA

5º E 6º DE EDUCACIÓN PRIMARIA

NADAL2018 5º 6º from Conchi Cambeiro López on Vimeo.

3º E 4º DE EDUCACIÓN PRIMARIA

nadal 3º 4º from Conchi Cambeiro López on Vimeo.

CARREIRA SOLIDARIA NO CPI AS MIRANDAS

No  CPI As Mirandas de Ares organizamos este xoves a oitava edición da carreira quilómetros de solidariedade. Unha xornada na que o tempo deunos unha tregua para poder desenvolver a carreira e na que no transcurso da mesma, gardouse un minuto de silencio en repulsa polo asasinato machista da profesora Laura Luelmo.

Un ano máis, a nosa querida atleta Paula Mayobre,xa madriña de oficio, acompañounos durante toda a xornada.
Desde o noso centro queremos amosar o noso agradecemento a todo o alumnado, pais, nais e profesores pola participación e implicación na carreira solidaria así como agradecer a  GADIS, Deportes MARVI, La Frutería de Mari, Floristería REAL, e ao Concello de Ares a súa inestimable colaboración.

Aquí deixamos os vídeos da xornada.

ESO



INFANTIL E PRIMARIA

NADAL 2018, ALGUNHA COUSIÑA QUE LER.

Aquí vos queda unha copia das suxestións de lectura deste Nadal. Recordade, son so unha suxerencia, hai moitos libros máis que se poden ler. Tamén as idades establecidas son unha suxerencia. Lede o que vos pete e, sobre todo, pasádeo ben. Felices Festas.

Suxestions nadal 2018 de Francisca Pérez

FALLADOS OS PREMIOS DO II CONCURSO DE FOTOGRAFÍA XUVENIL CONCELLO DE ARES

O venres 23 de novembro no salón de actos da  Biblioteca do Concello  foron entregados os diplomas e premios do II Concurso de fotografía xuvenil Concello de Ares, imaxes que ilustrarán o calendario municipal do 2019.

Moitas grazas a todos e todas as participantes, ao cole por colaborar e fomentar a participación e ao xurado que non o tivo nada fácil ( Manuel Pueyo, Anxo Fernández e Mila Campos)

Parabens  aos gañadores/as.

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Co gallo do Día Internacional contra a Violencia de Xénero que se celebra o 25 de novembro, o  alumnado dos centros escolares CPI As Mirandas de Ares e CPI Plurilingüe Virxe da Cela de Monfero, realizaron un vídeo para visibilizar e sensibilizar á comunidade educativa e a toda a  sociedade en xeral, sobre esta data.

Desde os nosos centros adherímonos pois, a todas aquelas iniciativas que suman esforzos e solucións á erradicación da violencia de xénero, na loita contra os malos tratos e no apoio ás vítimas e as súas familias. Apoiamos ás accións que tratan de concienciar ao tecido social e a todas as actividades educativas baseadas na formación en valores para que a sociedade avance no camiño da igualdade, no benestar común e a convivencia que todas e todos queremos.

   
                   

Manifesto Día Internacional contra a Violencia de Xénero de Yolanda Castro

SESIÓN DE CONTACONTOS PARA CONMEMORAR O DÍA INTERNACIONAL DOS DEREITOS DA INFANCIA

Esta semana para conmemorar o Día Internacional dos Dereitos da Infancia os alumnos e alumnas de 4º e 3º de ESO realizaron unha actividade de contacontos para o alumnado de primaria.

A través do conto “Na procura dun mundo marabilloso”, ilustrado pola nosa ex-alumna Ana Martínez Fernández,  descubrimos á importancia que ten que todos os nenos e nenas do mundo teñan dereitos que garantan o seu crecemento tanto físico como psíquico; dereitos tan básicos como a educación, a sanidade, a igualdade de oportunidades...e que, en moitos lugares do mundo, non se cumpren.

Trala sesión os nenos e nenas participaron nun pasapalabra no que demostraron que estiveron moi atentos ao conto e ás explicacións dos rapaces e rapazas da ESO.

Ao rematar o acto, todos foron agasallados cun marcapáxinas, realizado polos mozos e mozas da ESO, no que estaban reflectidos os dereitos dos nenos e nenas.

Grazas a todos pola vosa participación!!!

Esta é unha proposta do Equipo de Dinamización Lingüística, o Departamento de Relixión e a Biblioteca Escolar.

NOVEMBRO, MES DA CIENCIA EN GALEGO NAS BIBLIOTECAS

Un ano máis, as consellerías de Cultura e Educación, a través das unidades responsables das bibliotecas públicas e escolares, xunto coa Secretaría Xeral de Política Lingüística, convidan á celebración do mes de novembro como MES DA CIENCIA EN GALEGO NAS BIBLIOTECAS. O Manifesto deste ano 2018 está asinado por Luís Navarro, Profesor titular de Bioloxía da Universidade de Vigo, integrante do grupo Divulgare,da mesma universidade, e ten frases lapidarias coma esta que moito lle agradecemos: "Para ser libre mediante a cultura, igual ca para facer boa ciencia, hai que ler".

 Recomendamos a lectura pausada deste manifesto de Luís Navarro e lembramos algúns dos recursos dispoñibles para estimular o achegamento á ciencia en galego, en novembro e durante todo o ano, na biblioteca escolar. 

•  WEB: NOVEMBRO,MES DA CIENCIA EN GALEGO NAS BIBLIOTECAS (recompilación de recursos, webs temáticas, materiais diversos arredor da ciencia en galego) 
• CIENCIA EN GALEGO NAS BIBLIOTECAS-LIBROS INFORMATIVOS (Pinterest cunha recompilación de libros informativos editados en galego susceptibles de formar parte da colección dunha biblioteca escolar)
•  MALETAS VIAXEIRAS DE CIENCIAShttp://www.edu.xunta.es/biblioteca/maletas/ ("Ciencias-Primaria, Ciencias-Secundaria, Física e Quimica, Bioloxía e Xeoloxía, Matemáticas-Primaria, Matemáticas-Secundaria, do Programa de "maletas viaxeiras" da Asesoría de bibliotecas escolares) 
• MANIFESTO de Luís Navarrohttp://www.edu.xunta.es/biblioteca/blog/files/A3%20Manifiesto%202018.pdf 
• DOCUMENTO"Novembro, Mes da Ciencia en Galego nas Biblioteca

O XADREZ INUNDA A BIBLIOTECA

A biblioteca carabela e o departamento de E.F. apostamos polo xadrez dentro do cole