Hoxe estreamos unha nova actividade na nosa biblioteca. Os APADRIÑAMENTOS LECTORES.
O alumnado de primaria apadriñou aos pequerrechos de infantil e léronlles contos.
A actividade resultou xenial!!! Tanto os grandes coma os pequerrechos, marcharon con ganas de volver.
Sen dúbida, repetiremos a experiencia.
19/2/18
6/2/18
NOVA EDICIÓN DO FESTIVAL AUDIOVISUAL OLLOBOI
Ábrese o prazo para participar en Olloboi!
Desde hoxe e ata o 30 de abril alumnado e profesorado pode inscribir as súas curtas escolares en Olloboi.com. Estreamos páxina web e nela atópase, ademais do formulario e bases desta edición, as curtas gañadoras de cursos pasados e interesantes recursos para elaborar unha peza (actividades e charlas con profesionais en Aprendo con Olloboi, das que avanzamos unha pequena píldora co Olloconsello de Miguel de Lira).
Hai recoñecemento á mellor curta de Infantil e Primaria (categoría Peque), e á mellor de Ensino Superior (Plus18). Ademais, o noso Xurado outorgará premios á mellor montaxe, interpretación, fotografía, guión, son e arte.
A entrega de premios terá lugar o venres 11 de maio dentro dos actos do Encontro Olloboi. Inscríbete xa na nosa web!
Enviaremos máis información sobre o Encontro en vindeiras comunicacións.
Así que... a divertirse, crear e compartir!
1/2/18
DÍA ESCOLAR DA PAZ E A NON VIOLENCIA NO CPI AS MIRANDAS
No Día escolar da Paz e a Non Violencia, recordamos no noso
centro educativo que a paz non é soamente a ausencia de guerra. A paz resulta
da xustiza e a participación activa de todos os cidadáns e cidadás.
Nesta xornada que
estamos a conmemorar lembramos que a paz baséase no principio de que todos –sen distinción de raza, ideoloxía,
nacionalidade, lingua ou relixión- somos iguais, cidadáns da mesma terra e en
consecuencia estamos e sentimos a chamada a ser máis humanos, a vivir a non-violencia e a traballar pola paz.
E para expresar ese desexo de paz os nenos e nenas de diferentes cursos en representación de todos, mostraron o noso
compromiso pola paz coa lectura de diversos poemas.
Para finalizar o acto Uxía, de 3º da ESO, en representación
de toda a comunidade educativa leu o
manifesto pola paz do
noso cole.
Rematamos cantando xuntos a canción “Color Esperanza” que
foi interpretada tamén en lingua de signos polas nenas e nenos do cole.
Aquí vos deixamos un vídeo da xornada.
MULLERES GAÑADORAS DO PREMIO NOBEL DA PAZ
O longo dos anos
dende que se crearon os Premios Nobel, este foi outorgado 806 veces a homes, 25
a organizacións e só 46 veces a mulleres; destas, 16 foron merecedoras do
premio Nobel da Paz. Este feito ven a demostrar que o coñecemento producido
polas mulleres non foi considerado da mesma forma e coa mesma importancia que o
producido polos homes. Pero aquí, sen desmerecer os coñecementos e saberes
emanados dos homes, imos darlle importancia o recoñecemento que se merecen estas
16 mulleres. No documento de abaixo, podedes ver os seus nomes e a súa aportación
para lograr un mundo onde impere a xustiza social.
29/1/18
UN DÍA DE NAVEGACIÓN
24/1/18
CERTAME "VINDEVIDEOS" . O PERGAMIÑO VINDEL, POL@S ALUMN@S DE 4º DE PRIMARIA DO CPI AS MIRANDAS
Coincidindo coa
chegada a Galicia do Pergamiño Vindel (manuscrito do século XIII do trobador
Martín Codax), o noso centro presentouse ao Certame Vindevideos coa finalidade
de que o alumnado poidese achegarse ás cantigas medievais galego-portuguesas e
ao universo trobadoresco a través da linguaxe audiovisual.
Os nenos e nenas
de 4º de primaria realizaron en tempo expres, xa que a convocatoria foi moi limitada
en tempo,un vídeo no que recrean de forma maxistral a chegada do Pergamiño a Galicia. Un
estupendo traballo no que souberon amosar estupendamente as súas dotes
interpretativas superando o vento e a choiva que nos acompañou o día da grabación en Lubre.
Parabéns a tod@s, ao alumnado, a súa profe Lucía e a Luisa a nosa intérprete de lingua
de signos polo traballo realizado.
Xa fallado o
certame, queremos dar os nosos parabéns aos centros gañadores: o IES Francisco
Asorey de Cambados (Pontevedra) e o CEIP do Carballal de Marín (Pontevedra). Tamén felicitar polo
segundo premio ao Peque Coro do Conservatorio Profesional de Música Xan Viaño
de Ferrol.
Aquívos deixamos
o vídeo realizado polos nosos alumn@s de 4º de primaria.
De novo, parabéns a todos eles.
21/12/17
20/12/17
BO NADAL
Os alumnos do CPI As Mirandas deséxanvos un Bo Nadal en Lingua de Signos con esta canción de SES, titulada Tambores de mar. Felices Festas!!!
Suscribirse a:
Entradas (Atom)