QUÉ É UN LIBRO PARA MIN. DÍA DO LIBRO 2022

 No Día Internacional do Libro as nenas e nenos de 2º de primaria contannos que é un libro para elas e eles.

LETRAS GALEGAS. PROPOSTAS DE TRABALLO

 Como sabedes este ano o día das letras galegas está dedicado a Florencio Delgado Gurriarán. Adxuntamos unha guía de propostas de actividades para os distintos niveis elaborada pola editorial Ir Indo: "As letras de Florencio".

Temos esta guía en papel e a deixaremos á vosa disposición na sala de profesores.

RECURSOS PARA FACILITAR A COMUNICACIÓN CO ALUMNADO DE UCRAÍNA

 

Dada a situación bélica de Ucraína e ante a chegada de nenas e nenos refuxiados a algunhas das nosas aulas, a Secretaría Xeral de Política Lingüística (SXPL) facilítanos  os seguintes materiais:

• Dicionario galego-ucraíno, guía de conversa básica galego-castelán-ucraíno e outras publicacións: https://www.edu.xunta.gal/portal/ucraina
• Dicionario galego-ruso: https://www.lingua.gal/recursos/todos?content=/Portal-Lingua/Contido/recursos/proxectalo/contido_0002.html

V CONCURSO DE PORTADA DE LIBROS. DÍA DO LIBRO 2022

 

O día Internacional do Libro é unha data moi especial para as escolas, para os lectores e para todas as persoas amantes dos libros. No noso centro unímonos a Biblioteca Carabela, o Equipo de Dinamización Lingüística, e o Equipo do proxecto ERASMUS+ para organizar un ano máis a V Edición do Concurso de Deseño de cubertas de libros.

Animádevos a participar e…

deixade voar a imaxinación!!!

AQUÍ PODEDES CONSULTAR AS BASES

INAUGURACIÓN DA EXPOSICIÓN DO PROXECTO DO ALUMNADO DE 2º DE PRIMARIA

O luns 4 de abril o alumnado de 2º de educación primaria inauguramos “O noso museo” para rematar e dar visibilidade ao proxecto levado a cabo durante estes dous trimestres. 

Investigamos sobre os diferentes lugares, restos arquitectónicos e símbolos do noso concello. 

Así, analizamos o escudo da nosa vila, investigamos sobre as cocas e os restos castrexos de Ares;estudamos a orixe e usos da Ponte da Ciscada e tamén aprendemos sobre as baterías defensivas que tivemos na nosa ría.

 👉O museo quedará exposto ao longo desta semana na Biblioteca Municipal. Poderedes visitalo en horario de mañá e tarde. 

👉Queremos dar as grazas a Alma, concelleira de cultura, e a o Concello de Ares por recibirnos no salón de plenos, aceptar a nosa proposta e cedernos o espazo habilitado na Alianza Aresana para poder expoñer o noso traballo. 

 👉Ao longo desta semana o alumnado de 5º e 6º de infantil así como os grupos de primeiro de primaria visitarán o museo e, as nenas e nenos de 2º de E.P. estararemos encantados de explicarlles todo o que alí está exposto e que traballamos e realizamos con tanto estusiasmo .

👉Nos seguintes vídeos podedes ver o acto de inauguración coas familias e os diferentes vídeos explicativos sobre o noso poxecto.

               

       

   

   

    

   

               

ESPERAMOS QUE GOZARADES CO NOSO PROXECTO

DÍA DE ENTROIDO NO CPI AS MIRANDAS

 Este ano o Entroido vestiuse coa cor do noso proxecto de centro  “ECOESCOLARES” en todas as súas vertentes e posibilidades. Así na variedade de disfraces que desfilaron non faltaron  os osos polares reivindicando o coidado do medioambiente  e a reciclaxe para loitar contra o cambio climático; as pingas de auga e as nubes que, bailando cal danza india, parecera que pedían que a choiva nos acompañe para encher os embalses, que falta nos fai; tamén os apicultores e as abellas fixeron acto de presenza para incidir na importancia que teñen para a vida; as e os Ecoescolares de infantil, co mundo as súas costas, dicíannos que queren un planeta mellor para o seu futuro e os mergulladores do ECOBARCO recórdannos que temos que coidar o mar  e preservar todos os ecosistemas mariños do planeta tan necesarios para a vida.

Un día festivo no que non faltaron as cancións reivindicativas creadas polos nenos e nenas, a ledicia e o bo humor.

                                                            Grazas a todas e todos polo voso traballo!!!

Felices vacacións!

SEMANA CONMEMORATIVA. DÍA DE ROSALÍA 2022

 O concello de Ares e o noso centro súmanse á conmemoración do Día de Rosalía mesturando programacións dixitais e físicas.

A contorna de Ares prepárase ao longo desta e a seguinte semana para render homenaxe á figura de Rosalía de Castro, poeta central e universal dentro da identidade galega. 

Ata o de agora, a efeméride celebrábase o 24 de febreiro, día no que constaba o bautismo da autora de Follas Novas mais a aparición de nova documentación permitiu certificar a data real de nacemento de Rosalía xusto no día anterior.

Para conmemoralo, o Servizo de Normalización Lingüística compartido entre Ares, Cabanas, Mugardos, Neda e Valdoviño, e a área de Cultura local programan tres principais actividades:

A primeira, promovida dende o Servizo de Normalización en colaboración cos nomeados concellos que o integran, basearase nunha campaña dixital de caracterización. A iniciativa estenderase dende este mércores 16,ata o 21 de febreiro e convidará a todas aspersoas, adultos e nenos/as, a enviar fotografías coas súas caracterizacións deRosalía de Castro, incluíndo, se se desexa, versos preferidos, citas de interese… da poeta.

O correo electrónico mailto:cultura@concellodeares.com estará habilitado para recibir as instantáneas, que despois poderán publicarse nas redes sociais do concello e na páxina web do Servizo de Normalización Lingüística, achegando unha visión conxunta de Rosalía entre toda a veciñanza dos entes municipais participantes.

A Concellaría de Cultura de Ares tamén organizará dúas actividades que se suman a esta campaña dixital xusto nas datas de maior relevancia para a celebración do Día de Rosalía.

 O 23 de febreiro ás  17.00 horas os máis pequenos e pequenas (5 a 10 anos) terán un obradoiro de manualidades, confeccionando máscaras tematizadas co rostro da poeta na biblioteca municipal da localidade. 

De igual xeito, a Alianza Aresana será o espazo que acollerá o espectáculo do ilusionista Martin Camiña, “Lingua do País”, o xoves, 24, ás 18.00 horas. Trátase dun evento que forma parte da Rede Cultural da Deputación da Coruña e que está marcado pola presenza do humor, a maxia e as reflexións sobre a lingua propia.

Desde o noso centro, o CPI As Mirandas, homenaxearemos á nosa poetisa coa actividade Musicando a Rosalía realizada en colaboración co departamento de música, e realizaremos co alumnado un vídeo co recitado dos seus poemas.

    

Ademais nas distintas aulas dos diferentes ciclos traballarase, desde distintas actividades e formatos, a figura da nosa poetisa máis universal.

ROSALÍA SEMPRE VIVA...

SEMPRE....ROSALÍA

11 Febreiro. DÍA INTERNACIONAL DA MULLER E DA NENA NA CIENCIA

   A continuación recordamos a adaptación  da película "Figuras ocultas" baseada na vida da física estadounidense Katherine Johnson , científica espacial e matemática que contribuíu á aeronáutica e aos seus programas espaciais coa aplicación das primeiras computadoras electrónicas dixitais na NASA.

Esta curta foi realizada polas alumnas e alumnos do noso centro no curso 2018. 

Agora que están a cursar 2º de BAC, desde aquí aproveitamos para desexarlles  todo o mellor e animar as rapazas a que contribúan no seu futuro a romper a brecha de xénero  no mundo da ciencia e a tecnoloxía.

 

RECURSOS PARA TRABALLAR NA AULA

Mujeres Científicas 2022 Alegría Educativa GALEGO by veracruces on Scribd

 

DÍA ESCOLAR DA PAZ NO CPI AS MIRANDAS

O 30 de xaneiro celebráse o Día Escolar da Paz e a Non Violencia. Neste día, ademais de conmemorar o aniversario da morte de Gandhi trataremos de imaxinar un mundo sen violencia, sen guerra, sen odio, sen prexuízos, sen pobreza... un mundo no que todos poidamos vivir en harmonía e igualdade.

Hoxe, máis que nunca, pedimos un mundo en PAZ!

Video  gravado por todo o cole para festexar este día.

 Aprendemos a canción "SIENTE LA PAZ" e signámola en LSE.

Dentro do proxecto Erasmus fixemos entre todo o cole un mural pola paz cunhas ás de plumas feitas por todo o alumnado do cole.

 

 

 

 

             

 E realizamos uns atrapasoños da paz que quedaron así de bonitos! 

 E as nenas e nenos de infantil realizaron, pombas e mans da man e fixeron este magnífico mural que podedes ver non seguinte vídeo.

 

BO NADAL E FELIZ ANINOVO!

NADAL: TEMPO DE LER, TEMPO DE LECER.

 Aquí vos deixamos as suxestións de lecturas para este Nadal, por se aínda vos quedou algo por pedirlle a Papá Noel, ao Apalpador ou aos Reis Magos. Ou por se pasades por unha librería. Ou por se ides pola biblioteca... 

Recordade: podedes conseguir estes libros en formato papel ou electrónico (como prefirades ou vos sexa máis sinxelo e cómodo), a idade é so unha referencia aproximada e se estes libros non te apetecen hai moitísimos máis que se poden elexir. 

Desfrutade deste Nadal! Vémonos na biblioteca no 2022!

O CPI AS MIRANDAS E O CPIP VIRXE DA CELA CONTRA A VIOLENCIA DE XÉNERO

Co gallo do Día Internacional contra a Violencia de Xénero que se celebra hoxe 25 de novembro, o  alumnado dos centros escolares CPI As Mirandas de Ares e CPI Plurilingüe Virxe da Cela de Monfero, realizaron un vídeo para visibilizar e sensibilizar á comunidade educativa e a toda a  sociedade en xeral, sobre esta data.

Desde os nosos centros adherímonos pois, a todas aquelas iniciativas que suman esforzos e solucións á erradicación da violencia de xénero, na loita contra os malos tratos e no apoio ás vítimas e as súas familias. Apoiamos ás accións que tratan de concienciar ao tecido social e a todas as actividades educativas baseadas na formación en valores para que a sociedade avance no camiño da igualdade, no benestar común e a convivencia que todas e todos queremos.