VISITA DE ÉRICA ESMORÍS

O martes 23 os alumnos de 5º e 6º de E.P. tivemos a visita da autora Érica Esmorís gañadora do premio Merlín 2015 co seu libro Nena e o mar. Foi unha sesión moi amena, falamos do seu libro (que estamos a ler),tamén un pouco da súa vida. Contounos que sempre lle gustaron os animais, o mar e escribir(É veterinaria).Escoitamos tamén a banda sonora que se fixo para este libro (o seu mozo é músico). Para rematar fixémoslle moitas preguntas as que ela respondeu con agrado.

NENA E O MAR - Kizoa Movie Maker

DÍA DE ROSALÍA: HOMENAXE A NOSA POETISA

O día 24 de febreiro celebramos o Día de Rosalía, data na que se conmemora o aniversario do seu nacemento , unha das maiores referentes da nosa literatura. E para homenaxeala realizamos unha morea de actividades: O alumnado e profesorado de secundaria realizou un envío masivo e simultáneo dun verso de Rosalía desde os seus terminais móbiles baixo a etiqueta #mobilizarosalía. O verso, do poema IV de Cantares gallegos (parte da estrofa 13) é o seguinte: “Trocando en sonrisas / queixiñas e choros”, e o enviaron a través das redes sociais, en calquera das súas múltiples aplicacións e formatos, acompañado dunha imaxe alusiva a Rosalía.
O alumnado de primaria elaborou e enviou unha postal cun deseño alusivo ao Día de Rosalía, e coa estrofa de “Alborada” de Cantares gallegos: “ Canta, paxariño alegre...”. Tamén fixemos unha serie de vídeos con poemas da nosa poetisa e na clase de música da profe Lara cantaron os seus versos. Aquí vos deixamos os vídeos deste excelentes traballos. Esperamos que vos gusten e.... VIVA O DÍA DE ROSALÍA!!!! 

                                           

                       width

II CONCURSO DE FOTOGRAFÍA "GALICIA, AUGA E LITERATURA"

Convócase o II Concurso de Fotografía "Galicia, Auga e Literatura", patrocinado por Viaqua.

Podedes participar cos vosos alumnos enviando os traballos ata o próximo 10 de maio ao seguinte enderezo:

II Concurso de Fotografía “Galicia, Auga e Literatura”

La Voz de Galicia

Departamento de Marketing

Polígono Industrial de Sabón

Avenida da Prensa, 84 – 85 15143 Arteixo (A Coruña)

O que se busca con este concurso é achegar a literatura galega aos escolares de Educación Primaria e Secundaria a través da auga; á vez que se conciencia sobre os usos e beneficios desta.

E como se consegue isto?. Os alumnos deberán elixir un poema ou verso determinado nos que a auga estea presente e ilustralo cunha fotografía. A creatividade e orixinalidade á hora de plasmar nunha fotografía a importancia do coidado do medio ambiente e a auga como recurso escaso, terán a súa recompensa. En concreto, o primeiro e segundo premio para os escolares de cada categoría será unha Tablet Nevir LCD 8" e unha Cámara Dixital Nikon, respectivamente. Os profesores, pola súa banda, serán galardoados cunha estancia dunha noite para dúas persoas en OCA Augas Santas (Pantón - Ourense).

Se tes calquera dúbida, xa podes consultar as bases do concuso que tes acontinuación:

Bases concurso gal from Yolanda Castro

ENTROIDO NO CPI CONDE DE FENOSA

Colorido, desfiles, bailes e moita alegría é o que se viviu no cole a celebración do Entroido 2016, neste fantástico venres no que o sol e o bo tempo, nos acompañou en toda a xornada. Como se de un tunel do tempo se tratase, pola rúa pasaron personaxes de todas as épocas: celtas, romanos, gregos, exipcios, cabaleiros e damas medievais, piratas,  astronautas  e ata os mísmisos homes e mulleres dos anos 20.

Todo elo acompañados da fabulosa Charanga “A Parranda” formada por alumnos e alumnas da ESO, que nos amenizaron o percorrido con unhas magníficas pezas galegas.

       

O remate do desfile degustamos produtos de entroido:orellas, freixos, rosquillas, buñuelos.... Unha xornada estupenda. En hora boa a todos, e aquí vos deixamos un pequeno vídeo  desta data.

                            

APRENDENDO COUSAS DA ANTÁRTIDA: VIDEOCONFERENCIA CO CPI CONDE DE FENOSA DESDE A ANTÁRTIDA

Hoxe 3 de febreiro  desde  o CPI Conde de Fenosa de Ares  tivemos a oportunidade de conectarnos vía Skype e realizar unha videoconferencia coa base española Gabriel de Castilla, situada na Illa Decepción, na Antártida. Entre os militares e científicos que traballan nesta estación española atópase Javier Cristobo, un aresán que a parte de mergullarse nas xélidas augas polares, leva anos inmerso no mundo da investigación biolóxica, sendo na actualidade o director do Centro Oceanográfico de Gijón. En riguroso directo Cristobo e outros componentes da misión (científicos e membros do exército de terra) explicáronnos en que consistía a súa  labor e o traballo que estaban a realizar, pero o máis importante foi que os rapaces e rapazas puideron falar con eles, facerlles preguntas e coñecer de cerca o proxecto que están a realizar. Incluso puidemos apadriñar algún pingüino  no programa de apadriñamento que levan a termo na Base Española.

Con grande simpatía e coñecemento, contestaron cada unha das preguntas formuladas polos rapaces da ESO e incluso saíron da base para amosarnos o exterior das instalación.

Desde o noso centro agradecemos á BAE española e a todos os que alí traballan o seu esforzó por colaborar cos centros educativos acercando a todos os rapaces e rapazas os seus traballos de investigación e todo o que están a facer tanto militares como investigadores.

A actividade non remata aquí, xa que Javier seguirá en contacto con nós e recibirémolo no noso colexio   á volta da súa campaña.

 Grazas unha vez máis a todo o personal da BAC “Gabriel de Castilla” e, particularmente, ao noso paisano e amigo Javier Cristobo por darnos a oportunidade de realizar de novo esta videoconferencia alén dos nosos mares.

Aquí no primeiro vídeo podedes ver un extracto da videoconferencia e no segundo a videoconferencia completa.

 E aquí tedes algúns dos nosos diplomas de apadriñamento

NOTAS DE PRENSA

MANDADOS DO ENTROIDO

Un ano máis chega o entroido, e con el o noso traballo para sair polas rúas e agasallar a todos coa nosa ledicia carnavaleira.
 Empezamos como sempre cos mandados para ir festexando .
Aquí os deixamos para que non se vos esqueza.

                                                                MANDADOS   
 MARTES 2 DE FEBREIRO:
 
                       SE QUEREMOS PARECER PATOS
                       TRAEREMOS DIFERENTES ZAPATOS,




MÉRCORES 3 DE FEBREIRO:

                         UNHA PAMELA ,UN GORRO OU UN SOMBREIRO
                         O QUE ANTES ATOPES,POÑERAS PRIMEIRO.



XOVES 4 DE FEBREIRO.

                         UNHA CAPA(OU SIMILAR) HAS POÑER,
                         SEXAS HOME OU MULLER

CELEBRACIÓN DO DÍA ESCOLAR DA PAZ E A NON VIOLENCIA

O 30 de xaneiro celébrase en todos os coles o Dia Escolar da Paz e a Non Violencia,  unha data na que debemos  recordar que a paz non é só cousa dun día, senón  de todos,  e temos que axudar a construíla cos nosos pequenos actos de cada día: na convivencia, no respecto a todas e todos, na tolerancia a diversidade, na  tarefa de compartir vivencias xuntos... ...para que o 30 de Xaneiro, non se converta nunha rutina, para que a paz sexa algo máis que un conto de pombas e globos, flor dun día, cada ano, por moi brillante que sexa.

E iso quixemos transmitir todo o alumnado e profesorado do noso centro nun acto conxunto no que os nenos e nenas,rapaces e rapazas de infantil, primaria e secundaria manifestaron os desexos de paz que todos queremos, desexos que quedan reflectidos na xenial ilustración que a nosa alumna Ana Martínez realizou para este día, e que encabeza esta entrada do blog.

Aquí podedes ver o vídeo do acto, no que os rapaces fixeron uns manifestos pola paz e que culminou coa canción SOMOS EL MUNDO.

                

TRABAJOS DE 6ºA Y 6º B PARA EL CONCURSO ESCOLAR ONCE

Aqui os dejo los trabajos que los alumnos y alumnas de 6ºA y 6ºB han realizado para el concurso escolar de la ONCE. ¡DESCUBRIMOS QUE TODOS TENEMOS TALENTO! Enhorabuena a todos por los trabajos. LO importante siempre es participar. ¡¡¡¡ Suerte a todos!!!!

LIBRO DO MAL AMOR

Esta semana chegaron ao noso centro 3 exemplares do "Libro do Mal Amor" editado pola xunta de galicia e elaborado polo alumnado do IES Lareixo de Lalín xunto a un grupo de escritores e escritoras, ilustradores e ilustradoras que cos seus haikus e ilustracións contribúen dun xeito persoal a esta publicación. Trata básicamente dos dereitos das mulleres a vivir sen violencia, da loita a prol da xustiza social e da igualdade entre mulleres e homes, a unha loita, en definitiva, contra o Mal Amor.

CONCURSO ESCOLAR DE POESÍA "ROSALÍA SEMPRE VIVA"

Concurso escolar de poesía Rosalía sempre viva from Yolanda Castro

NOVO ÉXITO DA CARREIRA SOLIDARIA DO NOSO COLE

Desde o CPI “Conde de Fenosa” agradecemos a todo o alumnado a participación na carreira “Quilómetros de Solidariedade” e por suposto, a nosa atleta Paula Mayobre por apoiar esta causa e compartir con nós esta xornada. Grazas tamén a todos os país e nais que apoiaron aos nosos corredores solidarios en todas as categorías (infantil, primaria e secundaria) e grazas tamén pola vosa aportación que irá a parar a través de Save the Children aos programas de desenvolvemento e emerxencia que esta ONG leva a termo para combater a desnutrición infantil nos países máis empobrecidos.

Agradecemento tamén para os nosos patrocinadores Floristería Real, e Frutería Mary polas súas achegas, e por suposto á policía local e protección civil do noso concello.

Noraboa a tod@s e grazas pola vosa implicación e solidariedade.

VÍDEO COREOGRAFÍAS SECUNDARIA

BO NADAL

COS NOSOS TRABALLOS DE PLÁSTICA ,FEITOS CON MOITO CARIÑO, QUEREMOS DESEXAR QUE PASEDES UNHAS FELICES FESTAS. ALUMNOS DE 5º e 6º