Albares. Revista Escolar 2021 by Yolanda Castro on Scribd
22/6/21
E CHEGOU A FESTA FINAL
Despois dun ano cheo de normas e tensión, o corpo pedía baile... e houbo baile para a rapazada pequena e mediana. Bailamos, bailamos e bailamos. Que ben o pasaron!
FELIZ VERÁN!
21/6/21
ENTREGA DE PREMIOS NO CONCURSO DE PORTADA DE LIBROS
O pasado venres fixemos entrega dos agasallos do concurso de portada de libros aos gañadores e a todos os que participaron, para agradecerlles o seu esforzo e participación.
Parabéns a todos!!!!!
20/6/21
XA ESTÁN AQUÍ AS HISTORIAS DE VERÁN!
Dende a biblioteca do C.P.I As Mirandas de Ares chegan as lecturas suxeridas para este verán en que todos volveremos mostrar a nosa mellor cara. Por suposto, hai moito máis que ler. Por suposto, le o que queiras, o que che apeteza, o que che dea a gana. Pero se buscas unha suxerencia aquí tes algunhas.
E por suposto (outra vez) todos estes volumes podedes mercalos na rede e moitos deles teñen versión para lector electrónico.
13/5/21
Exposición Maletas Viaxeiras
O pasado mes de marzo prestáronnos dende Bibliotecas escolares dúas Maletas Viaxeiras, unha de ciencias para primaria e a outra de banda deseñada para ESO.
Coa de ESO fixemos unha exposición no corredor cun cartel que invitaba a ollar e ler o material tamén puxemos unha folla con suxerencias para mercar.
En primaria fixemos a parte da exposición, un recuncho de lectura nos corredores cunhas colchonetas que invitaban a lectura relaxada.
Foi todo un éxito!!!😀😀
10/5/21
Gañadores do concurso de portada de libros
Xa temos os gañadores do Concurso de portada de Libros!!!
ESO:
1º- Cristiam Campos
2º- Mateo Martínez
3º- Iria Filgueira
5º e 6º de E.P.:
1º -Yaiza Silvent e Claudia Mosquera
2º- Bega Fernández
3º- Luís Miguel Rañales
3º e 4º de E.P.:
1º- Roque Rodríguez
2º Gelena Aquino
3º- Jorge Pena
1º e 2º de E.P.
1º- Martina Mayobre
2º- Sabela Miguel.
3º- Mara Cartelle
Educación Infantil:
Premio a toda a aula de 6º A
23/4/21
ACTIVIDADES PARA CONMEMORAR O DÍA DO LIBRO. CPI AS MIRANDAS
O día Internacional do Libro é unha data moi especial para as escolas, para os lectores e para todas as persoas amantes dos libros. No noso centro unímonos a Biblioteca Carabela, O Equipo de Dinamización Lingüística, o Equipo do proxecto ERASMUS+ e a Concellaría de Cultura do noso concello para facer e programar unha morea de actividades. Aquí vai unha mostra delas.
IV EDICIÓN do CONCURSO DE PORTADA DE LIBROS
CONCURSO DE MICRORRELATOS EN COLABORACIÓN CO CONCELLO DE ARES
POEMAS CON AROMA A ROSA ( Realizados polo alumnado de 6º EP)
ERASMUS -DÍA DO LIBRO
Nas seis escolas que estamos no ERASMUS preparamos algunhas actividades en común. Fixemos un libro-vídeo (en dúas versións inglés e galego) sobre a vida de Cervantes e Shakespeare ademais doutro sobre a orixe desta celebración e os diferentes eventos que teñen lugar en outros países.
Tamén as nenas e nenos realizaron marcapáxinas, debuxos, colgadores de portas ou minilibros
Como vedes, unha morea de actividades para celebrar e gozar deste día
FELIZ DÍA DO LIBRO
A lectura, como o amor, é a pedra ideal para afinar a nosa alma
Paul Desalmand- Escritor
10/4/21
XELA ARIAS. LETRAS GALEGAS 2021
A Real Academia Galega puxo en marcha neste mes de marzo unha nova edición do proxecto Primavera das Letras, dedicado nesta ocasión a Xela Arias, protagonista do Día das Letras Galegas 2021. A institución fornecerá a comunidade educativa de infantil e primaria, a través da páxina primaveradasletras.gal, de recursos lúdicos e didácticos relacionados coa figura e a obra da autora, e tamén con diversos contidos transversais do currículo. As primeiras fichas e actividades interactivas xa están dispoñibles neste espazo no que a Real Academia Galega irá compartindo novos contidos ao longo das vindeiras semanas. Podedes acceder a este espazo a través desta ligazón:
https://primaveradasletras.gal/
ProxectoDidactico XelaArias PRIMARIA Interactivo by yolick20003194 on Scribd
7/4/21
IV CONCURSO DE PORTADA DE LIBROS
O Equipo de Dinamización Lingüística (EDLG), a Biblioteca Escolar Carabela e o Proxecto Erasmus+ “Artworks from European Festivities and Traditions” do CPI As Mirandas organizan a IV Edición do Concurso de deseño de cubertas de libros.
Animádevos a
participar e…deixade voar a imaxinación!!!
AQUÍ PODEDES CONSULTAR AS BASES
Concurso Portada de Libros by yolick20003194 on Scribd
I CONCURSO DE MICRORRELATOS . DÍA DO LIBRO 2021
Dentro das actividades propostas para conmemorar o Día do Libro, o EDLG do CPI As Mirandas e a Concellaría de Cultura do Concello de Ares lanzamos o
I Concurso de escritura creativa de Microrrelatos.
ANIMÁDEVOS A PARTICIPAR!!!
AQUÍ TEDES AS BASES.
8/3/21
MULLERES DA NOSA VILA. DÍA INTERNACIONAL DA MULLER
Os alumnos e alumnas de 1º de primaria quixeron traballar o Día Internacional da Muller dando visibilidade a algunas das mulleres da nosa vila que traballan en distintos campos. Os nenos e nenas elaboraron e lles fixeron chegar unha batería de preguntas a Paula Mayobre, Aida Carro, Carla Vilasánchez, Conchi Ramil e Elena Fuentes, que elas, moi amablemente, contestaron a través dos seguintes vídeos.
Agradecemos enormemente á sua colaboración neste traballo e transmitirlles os nosos parabéns polo seu bo facer. Estamos moi orgullosxs por contar na nosa vila con mulleres como elas.
As nenas e nenos de primeiro redactaron as preguntas que logo enviaron ás protagonistas.
Tamén, coa axuda das súas profes Lucía e Paula, fixeron un tríptico no que colocaron ao lado da fotografía de cada unha das protagonistas o código QR onde estaba aloxado o vídeo que nos reenviaron.
PARABÉNS, QUE GRANDES REPORTEIROS QUE SODES!!!!
DÍA INTERNACIONAL DA MULLER 2021
Neste
Día Internacional da Muller, desde o CPI As Mirandas de Ares e o CPIP Virxe da
Cela de Monfero, vai o noso
recoñecemento a todas as mulleres e o noso desexo dun futuro en igualdade en
tódolos ámbitos da vida. Grazas a todas por saber escribir a
historia con tinta indeleble e por deixar
a vosa pegada nas nosas vidas.
Suscribirse a:
Entradas (Atom)